Um miðjan nóvember var haldið norður í Dalsmynni til að skoða þar fjöll sem engin okkar hafði áður komið á, en það voru fjöllin Stóri- og Litlihnjúku í sunnanverðu Dalsmynninu.  Að venju komum við saman við Glerárskóla til að safna hópnum saman og á endanum urðum við níu göngumenn í ferðinni.  Þegar við vorum komin að Laufási þar sem við lögðum bílunum var skýjað niður í miðjar hlíðar en samt von að hann rífi þau af sér þegr liði  á daginn.  Upp fórum við nokkuð hefðbundna leið í gegnum kjarrivaxna fjallshlíðina undir Laufáshnjúknum og gengum við upp á hann eftir hryggnum.  Þegar við vorum komin nánast upp á topp, var eins og hendi væri veifað ..öll ský á bak og burt og útsýnið eftir því.....

Þegar gengið var upp á Hlíðarfjall frá Þelamörk (hálfum mánuði áður) var ákveðið að næsta ganga yrði gengin hinumegin í Hörgárdalnum eða nánar tiltekið upp á Illagilsfjall og Nautárhnjúk.  Við ákváðum að ganga á laugardegi að þessu sinni vegna þess að spáin var skárri þann daginn en samt var hellirigning á Akureyri þegar við lögðum af stað og leist okkur bærilega á áframhaldið.  Þetta varð fámennasta ganga ársins en vð vorum mætt þrjú, við getum þá sagt að hún hafi verið einstaklega vel mönnuð.  Keyrðum við inn í Hörgárdal og minnkaði rigningin jafnt og þétt efti því sem nær dró og var nánast engin rigning þegar við lögðu í'ann frá réttinni við Fornhaga.  Greiðlega gekk að ganga móana uppá ......

Lengi hefur staðið til að ganga hryggin frá Þelamörk, yfir Litla- og Stórahnjúk síðan upp á Hlíðarfjall, og það varð úr þann 15.október í rjómablíðu að fimm vaskir göngumenn héldu af stað.  Bílum var lagt við vegslóða sem liggur upp í gegnum skógarreitinn sunnan við Þelamörk og gengið með honum fyrsta spölin, en síðan var stefnan tekin á Litlahnjúk og þá gengið yfir mólendi sem var all þúfnótt og ekki fljótfarið.  Veður var stillt og bjart, svo það var yfir litlu að kvarta (veðurfarslega)...   

Um mánaðarmótin september-október var önnur helgarferð farinn á vegum gönguklúbbsins 24x24.  Í þetta skiptið var haldið í Mývatnssveit og svæðið í nágrenni Bláfjalls og Heilagsdals skoðað.  Þessi ferð var skipulögð af feðginunum Óla Sverris og Kötu og tókst með ágætum.  Samt verður munað eftir þessari ferð sökum hvassveðurs og sandfoks.  Á föstudeginum var lagt af stað í 9 manna rútu þegar búð var að gera kjötsúpuna klára og smala öllum saman í bílinn.  Var spáð nokkuð hvössu veðri en vonuðumst við til að við næðum í skála áður en það skylli á að fullum þunga, nokkuð tíðindlaust var að keyra upp með Hverfjalli og að Lúdentarborgum og Þregslaborgum en kárna fór gamanið þegar lengra dró svo mikill var veðurofsinn svo að lokum þurftum við frá að hverfa og halda til Mývatns aftur.  Morgunin eftir var gerð önnur tilraun að koma okkur .......